BIZ HAQIMIZDA

“Navoiyuran” davlat korxonasi mustaqil korxona sifatida 2022-yil yanvar oyida o‘z faoliyatini boshlagan. O‘zbekiston Respublikasi iqtisodiyot va moliya vazirligi “Navoiyuran” davlat korxonasi ta’sischisi hisoblanadi.

 

Hozirgi kunda “Navoiyuran” davlat korxonasi barqaror va jadal rivojlanish yo‘lida dadil odimlayotgan va o‘z mahsulotlarini 100 foiz eksportga yo‘naltirayotgan yirik korxonalardan biridir. Uning asosiy ishlab chiqarish mahsuloti tabiiy uran va ammoniy perrinati (reniy) bo‘lib, “Zafarobod” kon boshqarmasi, “Uchquduq” va “Nurobod” ishlab chiqarish maydonlarida joylashgan umumiy 11 ming gektarlik hududdagi 21 ta uran konlari hamda bu konlarni o‘zida birlashtirgan 6 ta geotexnologik konlarda qazib olinmoqda. 2030-yilgacha yana 6 ta konni o‘zlashtirish rejalashtirilgan.

 

Shuningdek, Uran ishlab chiqarish zavodi, 3 ta geologiya-qidiruv ekspeditsiyasi, Geologiya-qidiruv partiyasi, Burg‘ilash uskunalarining ehtiyot qismlarini ishlab chiqarish uchastkasi, ta’mirlash-mexanika sexlarida 9000 nafardan ortiq soha fidoyilari kunni tunga ulab mehnat qilishmoqda.

 

 ASOSIY BO‘LINMALAR:

 - “Navoiyuran” DK Boshqarmasi va Uran ishlab chiqarish zavodi (Navoiy shahrida).

- “Zafarobod” kon boshqarmasi (Navoiy va Buxoro viloyatlari);

- “Uchquduq” ishlab chiqarish maydoni (Navoiy viloyatining shimoliy qismida);

- “Nurobod” ishlab chiqarish maydoni (Samarqand viloyati va Jizzax viloyatining Arnasoy hududida);

 

KORXONA TARIXI:

 

“Navoiyuran” davlat korxonasi 2022 yil yanvar oyida “Navoiy KMK” davlat korxonasini isloh qilish natijasida tashkil etilgan. “Navoiyuran” DKni tashkil etishdan asosiy maqsad O‘zbekiston Respublikasining Qizilqum hududida tabiiy uran qazib olish va uran oksidini eksport qilishdir. 

 

Markaziy Qizilqum hududida uran konlarini o‘zlashtirish 1958-yilda boshlangan. Uchquduq koni birinchi bo‘lib ochiq va yer ostidan qazib olish yo‘li bilan o‘zlashtira boshlangan. Sohani keyinchalik yanada rivojlantirish natijasida vodorodli qumtosh konlarida yer ostida ishqorlash usuli joriy etildi. Shunday qilib, 1994 yildan boshlab O‘zbekiston Respublikasida barcha uran yer ostida ishqorlash usuli bilan qazib olinadi.

 

Xalqaro atom energiyasi agentligi (MAGATE) a’zosi bo‘lgan "Navoiyuran" davlat korxonasi hozirda “Itochu Corporation” (Yaponiya), “Marubeni Corporation”(Yaponiya), “Cameco Corporation” (Kanada), “Korea Hydro & Nuclear Power Co., Ltd” (Koreya respublikasi), “WMC Energy Corp.” (AQSh), Hindiston hukumatining “Atom energiyasi departamenti” kabi xalqaro hamkorlariga uranning chala oksidi-oksidi ko‘rinishidagi tabiiy uran mahsulotni eksport qilib kelmoqda.     

 

FAOLIYATI:

 

“Navoiyuran” DK faoliyatining asosiy yo‘nalishlari:

1. Tabiiy uranni qazib olish va uni U3O8 azot oksidigacha qayta ishlash;

2. U3O8 uran oksidini eksport qilish;

3. Yer ostida ishqorlash usulida qazib olingan eritmalaridan reniyni ajratib olish bilan AR-0 markali  NH4ReO4 ammoniy perrenati tayyor mahsulotini ishlab chiqarish;

4. O‘zbekistondagi korxonalar ehtiyoji uchun sulfat kislota ishlab chiqarish;

5. “Navoiyuran” DK va “NKMK” AJ ehtiyojlari uchun polietilen va polivinilxloriddan quvur mahsulotlari ishlab chiqarish.

 

“NAVOIYURAN” DK  JAMOASI - bu korxona oldida turgan strategik vazifalarni amalga oshirishda asosiy bo‘g‘in va eng muhim manba, muvaffaqiyat asosi va kelajakda uning barqaror rivojlanishi kaliti bo‘gan professionallar jamoasidir.