“Navoiyuran” DKning Kadrlar boshqaruvi funksiyasini transformasiya qilish bo‘yicha ustuvor tadbirlar rejasiga muvofiq, korxonaning rahbar-xodimlari va mutaxassislari uchun siyosat fanlari doktori, psixologiya fanlari nomzodi, professor, Alisher Fayzullayevning "Samarali muzokaralar" mavzusida o‘quv-seminari o‘tkazildi.
O‘quv seminari rahbarlar o‘rtasida muzokara qilish ko‘nikmalarini rivojlantirish va ichki korporativ madaniyatni mustahkamlashga qaratilgan.
Muloqot davomida muzokaraga tayyorgarlik, ish yuzasidan muzokaralarini olib borish strategiya va taktikalari, muzokaralarda savdolashish san’ati, muzokaralarda kuch va ta’sir o‘tkazish, muzokara jamoasining ishi va guruh qarorlarini qabul qilish, muzokaralarda tana tili va noverbal kommunikatsiya, qiyin odamlar va murakkab vaziyatlarda muzokara olib borish kabi masalalar muhokama etildi.
Seminarda ishtirokchilar hamkorlar va jamoa ichida muzokaralarni ishonch bilan olib boorish, o‘zaro foydali yechimlarga erishish uchun turli muloqot strategiyalarini qo‘llash, jamoada ishonch va hamkorlik darajasini oshirish, shuningdek, tashkilotining umumiy samaradorligini yaxshilashga hissa qo‘shish bo‘yicha bilim va ko‘nikmalarini mustahkamlashdi.
