Davlatimiz Rahbarining tegishli Farmoniga asosan 2017-yildan boshlab avgust oyining ikkinchi yakshanba kuni “O‘zbekiston Respublikasi qurilish sohasi xodimlari kuni” deb e’lon qilindi.
Bugun, 9-avgust kuni sana munosabati bilan Zafarobod qo‘rg‘onida tantanali tadbir tashkil etildi. Tadbirda “Navoiyuran” DK tizimida mehnat faoliyatini olib borayotgan qurilish sohasi xodimlari – muhandislar, me’morlar, loyihachilar, bo‘yoqchi va suvoqchilar, barcha ishchi-xizmatchilar ishtirok etishdi.
Dastlab, korxona Bosh direktori Dj.Fayzullayevning sana munosabati bilan korxona quruvchilariga yo‘llagan tabrigini Xodimlar bilan ishlash Departamenti direktori A.Oltinov o‘qib eshittirdi.
Korxonamizning qurilish sohasini ravnaq toptirishga munosib hissa qo‘shib kelayotgan quruvchilariga samimiy va ezgu tilaklarni yetkazdi.
Shundan so‘ng, bayram munosabati bilan qurilish sohasidagi ko‘p yillik samarali mehnati, korxonamizda amalga oshirilayotgan keng ko‘lamli bunyodkorlik ishlariga qo‘shgan munosib hissasi, zamonaviy ob’ektlarni barpo etish borasidagi katta xizmatlari uchun korxonaning bir guruh xodimlari munosib taqdirlandi.
Xususan, “Navoiyuran” DK strategik rejalashtirish bo‘limi boshlig‘i Rustam Ergashov va “Zafarobod” kon boshqarmasi Ta’mirlash-qurilish uchastkasi ish bajaruvchisi
Ali Mirbabayevga III darajali “Konchilik shuhrati” ko‘krak nishoni hamda “Zafarobod” kon boshqarmasi Ta’mirlash-qurilish uchastkasi bo‘yoqchisi G.Tog‘ayeva, “Uchquduq” GTK suvoqchisi O.Saitov, “Sabirsoy” geotexnologik koni Ma’muriy xo‘jalik guruhi bo‘yoqchisi F.Meyliyev, “Nurota” geologiya qidiruv ekspeditsiyasi qurilish xizmati qurilish bo‘yicha muhandisi J.Aytuarov, “Zafarobod” KB Ta’mirlash-qurilish uchastkasi termoizolyatsiya izolirovkachisi S.Kamolov va g‘isht teruvchisi M.Uroqovlarga korxona ma’muriyati va 6-Birlashgan kasaba uyushmasi qo‘mitasining Faxriy yorlig‘i, Tashakkurnoma hamda esdalik sovg‘alari topshirildi.
Tadbirning bayramona qismida “Yoshlik” madaniyat va sport markazi badiiy jamoalari va xonandalarining konsert dasturi yig‘ilganlarga xush kayfiyat ulashdi.
"Navoiyuran" DK axborot xizmati
