“Uchquduq” geotexnologik konida energiya samaradorligi va qayta tiklanuvchi energiya manbalarining afzalliklari borasida targ‘ibot tadbiri o'tkazildi.
Ushbu tadbirda geotexnologik kon va uning uchastkalari muhandis-texnik va ishchi-xodimlari ishtirok etishdi.
“Navoiyuran” DK bosh energetik bo‘limi, Navoiy ixtisoslashtirilgan prokuraturasi, Uchquduq tumani gaz ta’minoti bo‘limi vakillari yig‘ilganlarga mavzu yuzasidan atroflicha ma’lumot berishdi.
Muhokamalar jarayonida “SUN-HIGHTECH” kompaniyasi vakili quyosh panellarining samaradorligi bo‘yicha taqdimot o‘tkazdi.
Ishchi-xodimlar o‘zlarini qiziqtirgan barcha savollarga mutaxassislardan javob olishdi.
"Navoiyuran" DK axborot xizmati