“Navoiyuran” DK oldidagi maydonda arzonlashtirilgan savdo yarmarkasi tashkil etildi.
Zamonaviy toza va ozoda rastalarda terib qo‘yilgan turli noz-ne’matlar, qishloq ho‘jaligi mahsulotlari - poliz va sabzavotlar, ho‘l mevalar, sut va go‘sht hamda tuxum va oziq-ovqat mahsulotlari keng assortimenti xaridorlarning talab va istaklaridan kelib chiqib olib kelindi.
Korxona ishchi-xodimlari uchun qulay shart-sharoitlar yaratish, ularning uzog‘ini yaqin, og‘irini yengil qilish hamda jamoaga bayram kayfiyatini ulashish maqsadida tashkil etilgan yarmarka o‘zining hamyonbop va maqbul narxlari hamda mahsulotlar sifati bilan ishchi-xodimlarga manzur bo‘ldi.
Savdo yarmarkasida "NKMK Jamg‘armasi" davlat muassasasi Ovqatlanish kombinati, "Do‘stlik" agrofirmasi hamda xususiy tadbirkorlar ishtirok etib, ona zaminimizda yetishtirilgan ellikdan ortiq turdagi turli mahsulotlarini xaridorlarga taklif etishdi.
